Под Хелсинки, главниот град на Финска, се протега огромна мрежа од тунели и бункери долга повеќе од 200 километри
Овој подземен град, првично познат како Asematunneli, во вонредни ситуации може да обезбеди засолниште за дури пет милиони луѓе и опфаќа повеќе од 5000 засолништа и преку 50.000 бункери низ целиот град.
Комплексот се градел со децении, првенствено во текот на 1960-тите и 1970-тите години, со цел заштита на цивилното население. Иако неговата примарна намена била одбрана, денес овој простор функционира како жив подземен град отворен за секојдневна употреба.
Бројни засолништа се пренаменети во повеќенаменски простори за културни и спортски активности. Меѓу нив се издвојува пливачкиот комплекс Itakeskus, воедно најголемата подземна пливачка сала во Европа. Тука се и спортски арени, лизгалишта за хокеј на мраз, гаражи и трговски центри.
Еден од најпознатите е Кампи, дел од подземниот град кој вклучува продавници, автобуски терминал и паркинг, а пешачки тунели го поврзуваат со други трговски центри како Форум и Раутајентунелија.
Во случај на потреба, јавните бункери можат да бидат претворени во засолништа во рок од само 72 часа. Повеќето се опремени со ѕидови од армиран бетон, системи за филтрирање на воздух, залихи на вода и храна, како и кревети на спрат. Исто така имаат итно осветлување и комуникациска опрема.
Пешачката мрежа овозможува лесен пристап до засолништата во секое време. Иако некои бункери се затворени за јавноста, овој подземен свет може да се разгледа преку организирани тури. Обиколките ги организира Градскиот музеј на Хелсинки и независни водичи, кои на посетителите им ја објаснуваат историјата и функцијата на мрежата, а нудат и обиколка на рудниците Tytyri.
