Бети Бромаж (97) од Челтенам, Англија, повторно постави светски рекорд, откако стана најстарата жена во светот што изведела „wing walk“ – стоење на крилото на авион за време на лет.
Бромаж во вторникот била прицврстена на горниот дел од двокрилец во близина на Сиренчестер, а ова за неа бил шести ваков лет досега. Со подвигот таа го подобри сопствениот рекорд, кој го поставила пред четири години.
Поранешната медицинска сестра, која преживеала мозочен удар, овојпат летот го искористила и за хуманитарна цел – собирање средства за одделот за мозочни удари во Општата болница во Челтенам, каде што била лекувана минатата година.
И покрај својата возраст, Бромаж вели дека токму ваквите предизвици ѝ даваат причина да продолжи да биде активна.
„Инаку би ми станало здодевно од животот“, изјавила таа.
Со својот најнов подвиг, 97-годишната Бромаж уште еднаш покажа дека возраста не мора да биде пречка за поставување нови граници.
