Најдобрата тенисерка во светот, Арина Сабаленка, повторно привлече големо внимание на социјалните мрежи, овојпат со фотографии и видео од снимањето за насловната страница на магазинот „Тајм“.
Белоруската тенисерка позираше во црн едноделен костим на кошаркарски терен, дополнувајќи го изгледот со темни очила за сонце и сандали со ниска потпетица. Сабаленка на фотографиите е насмеана, а објавата брзо привлече голем број реакции од нејзините следбеници.
На видеото таа се движи кон кошот, додека во еден момент позира и пред камерата од поинаков агол.
„Само си поминувам… зад сцената на снимањето за насловната страница на „Тајм““, напиша Сабаленка во објавата на социјалните мрежи.
Сабаленка, која е на врвот на ВТА-листата, во текот на летото сподели и фотографии од одморот во Грција со својот свршеник Јоргос Франгулис.
