Нуркачот Реј Тајлер се спуштил на околу 120 метри во Големата сина дупка во Белизе и со камера ги снимил фасцинантните сцени од нејзините длабочини.
Големата сина дупка во Белизе е една од најпознатите дестинации за нуркање во светот. Огромните димензии и непознатото што се наоѓа под површината со години ги привлекуваат нуркачите од целиот свет.
Станува збор за огромна подводна вртача, широка околу 300 метри и длабока приближно 120 метри.
Реј Тајлер од компанијата „Fintastik Films“ добил можност да ги истражи нејзините длабочини. За време на експедицијата тој направил вкупно три нуркања на некои од најпознатите подводни локации во областа, а го посетил и оддалечениот остров Халф Мун Кеј.
Еден од најинтересните моменти бил на голема длабочина, каде што се забележуваат огромни подводни сталактитни формации.
Камерата го снимила неговото спуштање во длабочините на Големата сина дупка, откривајќи сцени кои ретко можат да се видат надвор од вакви експедиции.
По нуркањето во Големата сина дупка, Тајлер нуркал и во околните корални гребени, каде што снимил ајкули, ражи и морски желки.
Тој експедицијата ја опишал како една од неговите најдобри авантури по повеќе од шест години снимање видеа.
За организацијата на нуркањата бил задолжен „Belize Pro Dive Center“, со кој Тајлер соработувал во текот на целото патување.
Снимките нудат редок поглед во една од најпрепознатливите подводни локации во светот – од огромните формации длабоко под површината до богатиот морски свет во околните води.
