Она што требало да биде мирно и несекојдневно искуство во лагуна во Танзанија се претворило во непријатна ситуација за патувачката блогерка Синтија Бенитез.
Бенитез пливала меѓу желки и се обидувала да го сними моментот кога една од нив неочекувано ѝ се приближила одзади и ја каснала за задникот.
Изненадената туристка извикала и веднаш излегла од водата, а целиот настан бил снимен со камера. Таа подоцна ја објавила снимката на социјалните мрежи, каде што брзо привлече големо внимание.
За среќа, Бенитез поминала без сериозни повреди. На фотографијата што ја објавила по инцидентот се гледа црвенило на местото на каснувањето.
Блогерката решила случката да ја прифати со хумор.
„Мислев дека желките се безопасни...“, напишала таа, а снимката собра повеќе од 300.000 прегледи. Корисниците на социјалните мрежи веднаш почнале да се шегуваат со необичната средба.
„Никогаш не ѝ го врти грбот на желка“, напишал еден од корисниците.
Други се пошегувале дека желката можеби била гладна, додека еден од коментарите гласел дека животното „веќе има доста пластика“.
Иако средбата завршила без потешки последици, снимката покажа дека дури и со животни што најчесто се сметаат за мирни може да се случат сосема неочекувани ситуации.
