Бојан Јовановски, познат како Боки 13, вели дека повеќе не сака да се врати во деловниот свет и дека многупати се покајал што воопшто влегол во него.
На крајот од гостувањето во „Вечер во Охрид со Ландов и Вик“, Јовановски беше прашан зошто повторно не се занимава со бизнис, по што директно одговори дека тој свет повеќе не го привлекува.
„Тој е толку валкан свет, толку нечист свет. Толку не сакам да зборувам за политика и за бизнис. Нека се замислуваат тие, нека им биде убаво кога ги нарекуваат бизнисмени и кога мислат дека се елита“, рече Боки 13.
Тој додаде дека сака да се задржи во музиката, забавата и сценските настапи.
„Да си останам јас лик од шоу-бизнисот и да се забавувам со децата. Мене тоа ми е доволно“, изјави Јовановски.
На директното прашање дали се покајал што влегол во тие води, тој одговори:
„Сто пати сум се покајал, но по онаа работа нема каење. Тоа е тоа“, рече Боки 13.
Тој најави дека по концертот во Битола неговата турнеја ќе продолжи во Штип, Гевгелија и Куманово, а потоа и низ други градови на Балканот.
