Во Белград синоќа се одржа голема прослава по повод родендените на ќерките на Јелена Карлеуша и Душко Тошиќ, Атина и Ника, а поранешниот фудбалер со својот потег предизвика големо внимание.
Тошиќ во еден момент го зел микрофонот и пред сите присутни ѝ ја посветил на поранешната сопруга песната „Шта ће ти певачица, питам те пред другима“. Карлеуша, која не го очекувала потегот, се фатила за глава и реагирала со насмевка, додека гостите уживале во необичната сцена.
Снимката набрзо започнала да се шири на социјалните мрежи, а самиот Тошиќ го споделил моментот со своите следбеници.
Гала-прославата била организирана во еден од луксузните белградски хотели, каде што гостите се забавувале до доцна во ноќта.
Атина го прославила својот 18. роденден, додека Ника наполнила 17 години. Пред полноќ биле изнесени и раскошните торти – тортата на Атина била во златна боја, а тортата на Ника била украсена со имитација на скапоцени камења.
Со славеничките свеќите ги изгаснале и нивните родители, а моментот бил проследен со песната „Само за твоје очи“.
