Видео од девојче кое со својот прекрасен глас ја пее познатата песна „Ако згрешам нека изгорам“ од Пепи Бафтовски привлече големо внимание на социјалните мрежи.
На снимката девојчето седи на скалите во Стариот град во Охрид, додека покрај неа маж свири на гитара. Со сигурност и емотивна изведба, таа ја испеа песната, а нејзиниот глас веднаш ги привлече минувачите.
По завршувањето на песната присутните ја наградија со силен аплауз.
Видеото, објавено на социјалните мрежи, брзо привлече внимание, а многумина го пофалија талентот на девојчето.
