Во Данска постои необична традиција според која невенчаните лица на својот 25-ти роденден може да завршат целосно покриени со цимет.
Ако до 25 години не стапиле во брак, пријателите и семејството на славеникот традиционално го опсипуваат со цимет од глава до пети. За зачинот полесно да се задржи, неретко се користи и вода, а во некои случаи се додаваат и јајца.
Според традицијата, обичајот можеби потекнува од времето кога трговци со зачини патувале од место до место и поради таквиот начин на живот останувале невенчани. Тие биле нарекувани „пеберсвенд“, што во слободен превод значи „момци со бибер“, додека за невенчана жена се користи изразот „пебермо“ — „девојка со бибер“.
Традицијата има продолжение и на 30-тиот роденден. Ако лицето и тогаш не е во брак, циметот се заменува со бибер.
Иако обичајот може да изгледа суров или непријатен, во Данска тој не се смета за осуда на луѓето кои не се во брак. Напротив, просечната возраст за стапување во брак е околу 34,5 години за мажите и 32 години за жените.
