Во северниот дел на грчкиот остров Евија на 8 јули ќе биде отворен нов природонаучен парк, во кој ќе бидат изложени фосилизирани стебла од дрвја стари околу седум милиони години.
Локалитетот е развиен од Музејот за природна историја на Скаменетата шума на Лезбос, а фосилите биле откриени за време на археолошките и геолошките ископувања што започнаа во 2022 година во областа Керасија.
Новиот парк ќе им понуди на посетителите пешачки патеки, уредени места за набљудување и информативни поставки преку кои ќе можат да се запознаат со геолошката историја и природното наследство на регионот.
Проектот има за цел да ја промовира научната вредност на локалитетот, но и да го поттикне развојот на едукативниот и еко-туризмот во северна Евија.
