Connect with us

#ФАЦИ

Во време на пандемија најмногу бебиња и свршувачки, а Маленко се ожени по петти пат: 2021 беше година на љубов

Во знакот на љубовта помина втората година во пандемија. За разлика од 2020, кога на јавната сцена имаше неколку свадби, а се провлече и по некој развод, минатата 2021 година ја одбележаа свршувачките, свадбите и многу бебиња.

Александар Маленко се ожени петти пат. Познатиот пливач направи свадба со инструкторката за пливање Метка Спаравец. Тие направија мала свадба со најблиските, а потоа се преселија во Словенија, каде што е родена Метка.

Хрватскиот репрезентативец и поранешен ракометар на „Вардар“, Игор Карачиќ, се ожени со архитектката Душица Андоновска. Свадбата беше во Мостар, од каде е Игор, во кругот на најблиските роднини и пријатели. На свадбата тие го прославија и роденденот на Душица. Игор носеше костим и патики, а невестата избра секси венчаница.

Водителот на „Дај побрзај“ Марко Новески се ожени со својата девојка Цена Плавевска. Тие склучија граѓански брак. Марко носеше старки, а невестата избра бело-жолта сукња наместо венчаница.

 И поранешниот водител Гоце Андреевски направи свадба. Тој се ожени со Даниела. Двојката се сврши лани во Охрид, а свадбата ја одложија поради пандемијата.

Откако лани склучија граѓански брак, Маријан Стојаноски и неговата сопруга Наташа годинава се венчаа во црква и направија голема свадба во Крушево. На свадбата  тие открија дека Наташа е бремена вторпат. Таа се породи во ноември, и го роди синот Петар. Двојката ја има и ќерката Вероника која неодамна наполни една година.

Годината помина во знакот на свадбите на спортистите. Пред Нова година се ожени репрезентативецот Дарко Велковски, кој направи интимна свадба со својата девојка Тамара Чуприна. Пред неколку месеци се ожени и голманот на „Арсенал“, Дејан Илиев со својата девојка Нина Стојменовиќ. И фудбалерот Висар Муслиу се ожени со девојката Валбона. Свадба направи и поранешната ракометарка Наташа Коцевска.

Пред Прочка се венчаа поранешната манекенка Дунавка Трифуновска и ексдиректорот на финансова полиција, Ване Цветанов. Тие постојано велеа дека се сродни души, но по пет месеци најавија дека се разведуваат. Веста дека не се заедно ја објави Ване, кој преку Фејсбук напиша дека двајцата решиле да се разделат и на Дунавка ѝ посака среќа за понатаму. Дунавка тогаш го нарече мамин син, а еден месец потоа заедно беа во Охрид и оттогаш не кажаа дали се заедно или ќе се разведат.

Со зурли и тапани, по македонски адети се ожени шеф Марк од „Брза кујна“. Популарниот белгиски готвач Марк де Јонг, направи свадба во Скопје со неговата долгогодишна девојка Василка Димовска.

Имаше свадби и меѓу политичарите. Нога повлече Димче Арсовски, портпаролот на ВМРО-ДПМНЕ кој во март се ожени со Соња. Тие на Петровден станаа родители, и добија син. Свадба направи и организацискиот секретар на СДСМ, Мартин Попов со Ангела Трајковска. Покрај најблиски пријатели, роднини, на свадбата дојде и цел политички врв од СДСМ па и тогашниот претседател, Зоран Заев.

По долги години желба да стане мајка, фолк-пејачката Татијана Стефановска ја роди ќерката Ана. Пејачката потоа откри дека таа и нејзиниот маж Митко Бежановски долги години се обидувале да станат родители.

Четврто дете доби фолк-пејачот Ѓоко Јовиќ. Неговата сопруга Ивана роди син, кој е трето машко дете во семејството. Ѓоко и Ивана ги имаат и ќерката Теодора и синовите Михаил и Јован. И бизнисменот и директор на ФОН, Сефер Цаноски, четврти пат стана татко. Неговата сопруга Сезан го роди нивното второ дете. Тој има и две деца од првиот брак со Лејла Рамковска.

Третпат татко стана актерот Кирил Трајковски – Максим, познат како Марлон Брандо. Тој убавите вести ги сподели со пријателите и напиша дека добил син на еден од најголемите христијански празници Воведението на Пресвета богородица. Кирил е во брак со Ирина Донческа со која веќе имаат две ќерки, Дениција и Дарја.

Маја Оџаклиевска стана баба, а нејзината помала ќерка Андреа роди син. Дека станале дедовци се пофалија претседателот на Собрание Талат Џафрери, фолк-пејачот Ефто Пупиновски и познатиот радио-водител Драган Б. Костиќ

Годинава мајка стана и Туна, која веднаш објави фотки од породувањето. Таа кажа дека родила син, Зен, и дека породувањето поминало во најдобар ред. Туна и нејзиниот партнер Патрис Бериша го имаат и синот Тијан, кој има четири години.

Мајка стана и Јована од „Фчерашни“, а за бебето Илин рече дека ѝ е најголема радост. Името на бебето е желба на Јована и на нејзиниот сопруг Предраг со кого една година е во брак.

Пејачката и дерматолог Симона Поповска стана мајка. Таа и нејзиниот сопруг, Кристијан Сињори, добија син. Ова е прво дете на двојката што се венча 2018 година.

Ќерки родија и актерката Ирена Илиевска и водителката Александра од „Брза кујна“. Ирена девојчето го крсти Ева, а Александра за својата ќерка го избра името Сара.

Глумецот Атанас Атанасовски стана татко, а на ќерката ѝ даде уникатно име, Една. Желбата за името била на Александра која се породи со царски рез во приватна болница. Ова е второ дете на Атнас, кој го има и синот Павле.

Татковци станаа и музичарите од групата „Маестро“, виолинистот Илија Филиповски и хармоникашот Војче Петрушев. Илија Филиповски и неговата сопруга Анастасија добија син кој ќе се вика Марко, а Војче и сопругата Моника ја добија ќерката Миа.

Татковци годинава станаа и капитенот на одбојкарската репрезентација Никола Ѓорѓиев, шеф Никола од „Брза кујна“ и фолк-пејачот Влатко Миладиновски.

Но, годината што измина беше најмногу во знакот на свршувачките.

Пејачката Марија Груевска, која беше една од омилените ѕвезди во „Гранд“ откри дека ќе се мажи, а дека нејзиниот дечко ја побарал за жена. И Мими од Велес, која стана позната по учеството во „Гранд“ се сврши со своето момче Филип. Од пејачите во „Гранд“ се свршија и пејачите Јасмин Алиевски и Стефан Величковски. Стефан на Босфор ја побара за жена водителката Ана Николовска. „Моето најубаво добро утро и најубавата добра ноќ, те сакам бесконечно“, напиша Величковски кој ја побара Ана за жена во Истанбул.

Пејачот Давид Темелков ја запроси својата девојка Хелена на концерт во Нова Градишка. Тој ќе се жени со познатата водителка во Хрватска и поранешна Мис, Хелена ЈунгДавид и Елена се во врска неколкy години, а се запознаа во 2015 година на концерт на Тони Цетински.

Дека ќе се мажи, откри и актерката Симона Живковска, Македонката што глумеше со Скарлет Јохансон во филмот „Црната вдовица“.

Извор: Репортер.мк

#ФАЦИ

Првпат во животот облеков фармерки откако ослабев 60 килограми: Пејачката Ивона Јо среќна и посветена на музиката 

Пејачката Ивона Јовановиќ ослабе 60 килограми и првпат во животот облече фармерки. Шест месеци по операцијата на желудникот вели дека конечно е задоволна кога ќе се погледне во огледало.

„Веќе ја немам онаа лажна самодоверба. Кога се затворивме во пандемијата, дознав многу работи за себе, на пример дека се прејадував не затоа што сум била гладна, туку за да го скријам стресот. Денес животот ми е сменет, вежбам јога, медитирам, посветена сум на пеењето и настапите и конечно сум вистински среќна“, вели Ивона во интервјуто на „Репортер“.

Се дружевме во Куманово, градот каде што е родена и живее. И додека ни ги откриваше омилените места на нејзиниот град разговаравме за сè. За музиката, настапите во „Ѕвездите на Гранд“, па и онаа болна тема, психичките проблеми кои со години ја мачеле поради дебелината.

„Никој не ме прашуваше како сум. Ме покажуваа со прст и коментираа дека сум дебела. Кога објавив слики на кои носам свилен фустан, луѓето мислеа дека промовирам гојазност. Јас тоа го направив за себе. Разговорите со психолог многу ми помогна да ги надминам проблемите и да сфатам дека имам многу квалитети за кои не бев свесна“, вели Ивона.

Од дете имала проблем со дебелината, Баба ѝ ја учела да носи широка облека за да ѝ го покрива телото. Денес, кога тоа е минато, Ивона вели дека веќе не се лути, ниту на родителите ниту на баба ѝ.

„Им простив, затоа што само така можев да тргнам напред и да ги надминам сите психолошки проблеми“, искрена е пејачката.

Низ сите овие години музиката ја водела напред. Зад неа е и бендот со кој ни покажа како се пее. А, кога е на јога, освен што го затега телото, си ја смирува и душата. Помеѓу музиката и јогата, секогаш наоѓа време за дружење и чаша вино со нејзиниот најдобар пријател, пејачот Марио Арангеловски. Марио го запознала на аудиција за ‘Идол’. Иако не се сакале, денес се најдобри другари.

„Баба му Ратка многу ме сака и сака да ѝ бидам снаа. Марио лаже дека не сме љубители на алкохолот. И двајцата  сакаме да испиеме чаша добро вино“, рече Ивона. Поради алкохол настанал и најсмешниот клип за јутјуб што го снимиле и бидејќи пијани глумеле модно жири, клипот никогаш не го објавиле.

Дали им било непријатно да се бакнуваат пред камери, како еден на друг си биле лоша среќа во „Гранд“, ама и зошто Ивона не ѝ пееше пратечки вокали на Калиопи на Евросонг. Тука се и муабетите за детството , за операцијата што ја чека пред крајот на годината, песната што наскоро ќе ја снима во Белград, како од 5ХЛ стигна до Л и зошто сака да отвори бутик на плус сајз девојки… гледајте го видеото.

Андријана Јовановска

 

Извор: Репортер.мк

Continue Reading

#ФАЦИ

(Видео) Геј пар се венчаше со евровизиската песна на Васил Гарванлиев

Евровизиските фанови Тој и Гој, кои имаат свој Јутјуб канал, биле толку многу воодушевени од песната Here I Stand што Васил Гарванлиев ја пееше лани на Евросонг, што ја избрале како главна песна на нивната свадба. Тие ова го открија во видеото во кое ги споделија своите впечатоци од песната Circles со која Андреа годинава ќе ја претставува Македонија на музичкото натпреварување.

„Се сеќавате ли каква реакција имав лани кога првпат ја слушав песната на Васил? Навивав за него да успее, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна. Прекрасна. Таа беше една од главните песни на нашата венчавка. Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме и кога ќе го сретнеме“, велат Тој и Гој во видеото.

Инаку, песната Here I Stand беше промовирана пред точно една година, а ја претставуваше Македонија на Евросонг во Ротердам. За да ја одбележи годишнината, пред неколку дена, Васил објави десет ремикси на песната кои ги направија диџеи од целиот свет.

„Сега тие ја пуштаат Here I Stand во клубовите и дискотеките. Песната почнува да грми на журки“, рече Васил за „Репортер“.

Извор: Репортер.мк

Continue Reading

#ФАЦИ

Андреа со песната „Circles“ ќе ја претставува Македонија на Евровизија 2022

Вечерва беше избран нашиот евровизиски претставник, и победата ја однесе Андреа со песната „Circles“.

Пред камерите се претставија шесте кандидати за кои народот имаше можност да гласа изминативе денови. Кали, Лара, Виктор, Јон, Андреа и Рис Флауер се релативно млади музичари, кои претходно беа избрани на конкурсот кој го распиша МРТ.

„Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“, напиша Андреа на социјалните мрежи.

Избирањето се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири.

Continue Reading
Advertisement

Facebook

Facebook

Трендинг

Copyright © Mediaset.mk / 2020

error: