Корисниците на WhatsApp наскоро би можеле да добијат поголема контрола врз тоа кој може да го гледа нивниот телефонски број, бидејќи апликацијата тестира нова функција за приватност.
По воведувањето на корисничките имиња во јуни, со кои комуникацијата е овозможена без размена на телефонски броеви, WhatsApp сега развива дополнителни поставки за заштита на личните податоци.
Според порталот WABetaInfo, новата можност е забележана во бета-верзијата на апликацијата за Android, со ознака 2.26.45.1. Функцијата ќе понуди четири опции за видливоста на телефонскиот број: сите корисници, само контактите, сите контакти освен избраните и никој.
Со овие поставки корисниците ќе можат да одредат кој ќе има пристап до нивниот телефонски број за време на повиците и разговорите.
