Во францускиот приморски град Порник на Атлантскиот брег, локалниот хотел La Fonten понудил поврат од едно евро на туристите за секој кубен милиметар дожд што ќе падне за време на нивниот престој.
Со 35 последователни дождливи денови на почетокот од годината, јануари и февруари во Франција биле особено влажни месеци, наведува Le Figaro.
„Јануари обично е прилично мирен на Атлантскиот брег. Оваа година февруари беше особено дождлив и тоа негативно се одрази врз туризмот“, изјавил менаџерот на хотелот, Стефан Бертран.
Тој објаснил дека гостите од блискиот град Нант често ја проверуваат временската прогноза пред викендот.
„Ако времето е убаво, доаѓаат, а ако не е – не доаѓаат. Но времето на нашиот Атлантски брег постојано се менува“, додава Бертран.
Хотелот има добиено лиценца „Зелен клуч“ за одржлив туризам, а неодамна ја добил и наградата „Family Choice“ како место погодно за престој со деца.
