Connect with us

#ФАЦИ

Здраво сончање без оштетување на кожата, светскиот новитет отсега и во Македонија: Наташа Петровска со совети до совршен изглед

Наташа Петровска со години го носи епитетот на една од најубавите жени во Македонија. Повеќе од пет години е сопственичка на студиото за ремоделирање на тело „Фигурела“, бренд кој цели 40 години успешно функционира во светски рамки. Освен што може да се пофали со успешна професионална кариера, важи за една од ретките жени која успешно се занимава и со менаџирањето. Нејзиното тело е резултат на напорните вежби и тренинзи во „Фигурела“, а сега за сите читателки на „Репортер“ ги открива тајните на убавината и како до совршено тело.

Долги години сте сопственичка на студиото за ремоделирање на тело „Фигурела“, бренд кој цели 40 години успешно функционира во светски рамки. Како се решивте за оваа приказна?

Пред околу 14 години на едно од моите патувања во Австрија за прв пат се сретнав со „Фигурела“. Првично методот го испробав на себе и бев презадоволна од резултатите кои ги постигнав за краток временски рок. Токму поради ова решив да го отворам студиото овде во Македонија и да ја донесам франшизата во Скопје. Првично со цел да можам методот да применувам на себе бидејќи навистина се вљубив во него и бенефитот кој истиот го има, а потоа и за да им овозможам на сите дами да уживаат во него. Цврсто верував во методот и знаев дека ако го донесам и кај нас истиот ќе наиде на воодушевување кај припадничките на понежниот пол и за брзо ќе стане дел од нивното секојдневие. Еве, денес после 13 години успешна работа и функционирање, слободно можам да кажам дека сум била во право. Потврда и доказ за тоа се низата задоволни клиентки кои со години тренираат кај нас.

Како денес после толку години гледате на сето ова?

После 13 години постоење на „Фигурела Македонија“ можам нескромно да кажам дека сум направила вистински избор и сум презадоволна од тоа како „Фигурела“ функционира кај нас . Никогаш не ни бев скептична, за време на сите овие години се покажа дека „Фигурела“ е токму тоа сто недостасувало, а посебно горда сум на фактот што имале лојални клиентки кои се со нас од самото отворање. Тоа е огромен доказ дека „Фигурела“ функционира беспрекорно, благодарна и горда сум и на нашиот стручен тим кој е со мене исто така од самиот почеток. Без нив „Фигурела“ немаше да биде она што е денес. Тоа што сме заедно сите овие години мислам дека кажува многу, како за нашиот начин на функционирање и работа, така и за успешноста и резултатите кај клиентите.

Важите за една од најубавите жени во Македонија. Кој е резултатот на ова?

Благодарам на убавите зборови, навистина ми значат. Мојот изглед е веројатно благодарение на добрата генерика првично, но и на „Фигурела“ која активно ја практикувам 13 години. Редовно тренирам, истовремено водам сметка за тоа што го внесувам во организмот (балансирана исхрана и здрава пред се) и се грижам за себеси, како надворешно, така и внатрешно. Убавината е меч со две острици, не можете да зрачите однадвор, ако од внатре не сте исполнети и среќни. Тоа е некое мое генерално мислење кога ќе се спомене убавина.

Неодамна ги донесовте во вашето судио смарт солариумите кои се нова генерација на солариуми кои не ја оштетуваат кожата? 

„Смарт Солариум“ е една од водечките фабрики во светот кои произведуваат солариуми . Дизајнираат професионални солариуми од 1981 година ,со цел да ги добијат најперформативните и најнапредни уреди во светот. „Смарт Солариум“ има развиено UV Save технологија со која им гарантираат на сите корисници сончан и еднаков тен ,со целосна заштита на кожата продуцирајки и колаген. Смарт Солариумите исто така може да се користат само како козметички третман за продуцирање на колаген на кожата без користење на УВ зраци.

Како функционираат и колку третмани се доволни за да се постигне ефект?

Ефект се постигнува веднаш после првиот третман , во зависност од типот на кожата и и од тенот кој што го очекува клиентот се одредува и колку сесии ќе бидат доволни и со колку минути ќе се стартува. Резултатите се индивидуални. Морам да нагласам дека сум горда што сме единствено студио кое може да се пофали со ваков тип на солариуми овде во Скопје. Еден од солариумите кои ги имаме во „Фигурела“ е „Смарт солариум трон“. Со неговиот електронски селектор можете да направите третман со фотобиомодулација (стимулација на колаген) проследен со УВ третман. Овој начин ќе донесе подобар тен и поприродна боја, благодарение на ефектот на регенерација на светлината со бранова должина од 633 нм. . Наскоро пристигнува и најновиот Смарт солариум со колагенска терапија и бреезер од хијалуронска киселина …Тоа е една уникатна понуда за прв пат во регионот, деталите за истиот ќе ги откриеме наскоро.

Кои се вашите препораки за добар изглед, вклучувајки го начинот на исхрана и вежбањето? Што ги советувате дамите?

Освен физичката активност и умереност во исхраната има и други фактори кој допринесуваат за убав изглед и добро здравје . Позитивна мисла и добро расположение, помалку стрес и квалитетен сон се дефинитивно основа за свеж, младешки и убав изглед.

Колку жените се грижат за своето тело?

Забележувам дека во последните години свеста кај жените е на повисоко ниво за разлика од пред десетина години и сега исклучително внимаваат на својот изглед и стил . Во последно време се повеќе се физички активни и обрнуваат внимание на изгледот, внимаваат на исхраната, се хранат здраво и балансирано, се негуваат и ја одржуваат својата форма.

 

Апаратот „Ендосфера“ за прв пат го донесовте во Македонија и тоа е единствено и најдобро решение во борбата со целулитот и обликувањето на телото. После колку третмани се гледа ефектот и како функционира?

Ендосферата е исто така италјански производ и навистина е вистина кога велите дека е најдобар во борбата против целулитот. Освен што успешно ја отстранува „кората“ од кожата, ја зголемува и циркулацијата , ја зајакнува имунолошката функција , го намалува фиброзното ткиво, го подобрува тонусот и што е најважно од се, го подигнува задникот дури за 2 сантиметри Резулататите се забележуваат веднаш после првиот третман и се видливи.

Кој е советот кој ќе им го дадете на дамите за нивниот изглед и дали имате во план да донсете и други новитети?

Мојот совет за секоја дама е никогаш да не престане да се грижи за својот изглед и тело без разлика на годините , обврските и условите што ги има . Физичка активност и насмевка како украс на лицето , во тоа е клучот на младешкиот и негуван изглед Во однос на новитетите, тука е новиот смарт солариум кој што наскоро пристигнува во нашето студио. Паралелно работиме на нови промотивни пакети, како за вежбање, така и за третмани со Ендосфера. Ќе бидеме дел од и од регионалната конференција за жени „Профемина“, па сите дами кои сакаат да се запознаат со услугите кои студио „Фигурела“ ги нуди, може да повелат на осми декември во хотелот „Хилтон“ во Скопје.

Извор: Репортер.мк

#ФАЦИ

Првпат во животот облеков фармерки откако ослабев 60 килограми: Пејачката Ивона Јо среќна и посветена на музиката 

Пејачката Ивона Јовановиќ ослабе 60 килограми и првпат во животот облече фармерки. Шест месеци по операцијата на желудникот вели дека конечно е задоволна кога ќе се погледне во огледало.

„Веќе ја немам онаа лажна самодоверба. Кога се затворивме во пандемијата, дознав многу работи за себе, на пример дека се прејадував не затоа што сум била гладна, туку за да го скријам стресот. Денес животот ми е сменет, вежбам јога, медитирам, посветена сум на пеењето и настапите и конечно сум вистински среќна“, вели Ивона во интервјуто на „Репортер“.

Се дружевме во Куманово, градот каде што е родена и живее. И додека ни ги откриваше омилените места на нејзиниот град разговаравме за сè. За музиката, настапите во „Ѕвездите на Гранд“, па и онаа болна тема, психичките проблеми кои со години ја мачеле поради дебелината.

„Никој не ме прашуваше како сум. Ме покажуваа со прст и коментираа дека сум дебела. Кога објавив слики на кои носам свилен фустан, луѓето мислеа дека промовирам гојазност. Јас тоа го направив за себе. Разговорите со психолог многу ми помогна да ги надминам проблемите и да сфатам дека имам многу квалитети за кои не бев свесна“, вели Ивона.

Од дете имала проблем со дебелината, Баба ѝ ја учела да носи широка облека за да ѝ го покрива телото. Денес, кога тоа е минато, Ивона вели дека веќе не се лути, ниту на родителите ниту на баба ѝ.

„Им простив, затоа што само така можев да тргнам напред и да ги надминам сите психолошки проблеми“, искрена е пејачката.

Низ сите овие години музиката ја водела напред. Зад неа е и бендот со кој ни покажа како се пее. А, кога е на јога, освен што го затега телото, си ја смирува и душата. Помеѓу музиката и јогата, секогаш наоѓа време за дружење и чаша вино со нејзиниот најдобар пријател, пејачот Марио Арангеловски. Марио го запознала на аудиција за ‘Идол’. Иако не се сакале, денес се најдобри другари.

„Баба му Ратка многу ме сака и сака да ѝ бидам снаа. Марио лаже дека не сме љубители на алкохолот. И двајцата  сакаме да испиеме чаша добро вино“, рече Ивона. Поради алкохол настанал и најсмешниот клип за јутјуб што го снимиле и бидејќи пијани глумеле модно жири, клипот никогаш не го објавиле.

Дали им било непријатно да се бакнуваат пред камери, како еден на друг си биле лоша среќа во „Гранд“, ама и зошто Ивона не ѝ пееше пратечки вокали на Калиопи на Евросонг. Тука се и муабетите за детството , за операцијата што ја чека пред крајот на годината, песната што наскоро ќе ја снима во Белград, како од 5ХЛ стигна до Л и зошто сака да отвори бутик на плус сајз девојки… гледајте го видеото.

Андријана Јовановска

 

Извор: Репортер.мк

Continue Reading

#ФАЦИ

(Видео) Геј пар се венчаше со евровизиската песна на Васил Гарванлиев

Евровизиските фанови Тој и Гој, кои имаат свој Јутјуб канал, биле толку многу воодушевени од песната Here I Stand што Васил Гарванлиев ја пееше лани на Евросонг, што ја избрале како главна песна на нивната свадба. Тие ова го открија во видеото во кое ги споделија своите впечатоци од песната Circles со која Андреа годинава ќе ја претставува Македонија на музичкото натпреварување.

„Се сеќавате ли каква реакција имав лани кога првпат ја слушав песната на Васил? Навивав за него да успее, и знам дека луѓето велат дека песната е малку лигава, ла, ла, ла, но ако ја слушнете само инструменталната верзија на песната, ќе сфатите дека е прекрасна. Прекрасна. Таа беше една од главните песни на нашата венчавка. Васил требаше да пее во финалето. Песната ја гледаме како вистински подарок од Васил за свадбата. И иако не сме го запознале, знаеме дека ќе го обожаваме и кога ќе го сретнеме“, велат Тој и Гој во видеото.

Инаку, песната Here I Stand беше промовирана пред точно една година, а ја претставуваше Македонија на Евросонг во Ротердам. За да ја одбележи годишнината, пред неколку дена, Васил објави десет ремикси на песната кои ги направија диџеи од целиот свет.

„Сега тие ја пуштаат Here I Stand во клубовите и дискотеките. Песната почнува да грми на журки“, рече Васил за „Репортер“.

Извор: Репортер.мк

Continue Reading

#ФАЦИ

Андреа со песната „Circles“ ќе ја претставува Македонија на Евровизија 2022

Вечерва беше избран нашиот евровизиски претставник, и победата ја однесе Андреа со песната „Circles“.

Пред камерите се претставија шесте кандидати за кои народот имаше можност да гласа изминативе денови. Кали, Лара, Виктор, Јон, Андреа и Рис Флауер се релативно млади музичари, кои претходно беа избрани на конкурсот кој го распиша МРТ.

„Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“, напиша Андреа на социјалните мрежи.

Избирањето се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири.

Continue Reading
Advertisement

Facebook

Facebook

Трендинг

Copyright © Mediaset.mk / 2020

error: