Склековите се една од наједноставните, но и најефикасните вежби за проценка на физичката подготвеност, бидејќи не бараат никаква опрема, а истовремено ги активираат мускулите на градите, рамената, трицепсот и трупот. Поради тоа, често се користат како индикатор за општата кондиција и сила на организмот.
Според експертите, бројот на склекови што може да ги направи една личност не зависи само од физичката сила, туку и од издржливоста, нивото на активност и општата здравствена состојба. Кај здрави возрасни лица, како ориентациски распон најчесто се наведуваат од седум до 25 последователни склекови.
Сепак, нема универзален број кој важи за сите, бидејќи резултатите зависат од возраста, полот и нивото на тренинг. Според насоките на Американскиот совет за вежбање, за „одлични“ резултати се сметаат значително повисоки вредности, кои варираат по возрасни групи и пол.
Според насоките на Американскиот совет за вежбање (ACE), како одлични резултати се сметаат:
Мажи
20–29 години: 36 и повеќе склекови
30–39 години: 30 и повеќе
40–49 години: 25 и повеќе
50–59 години: 21 и повеќе
60–69 години: 18 и повеќе
Жени
20–29 години: 30 и повеќе склекови
30–39 години: 27 и повеќе
40–49 години: 24 и повеќе
50–59 години: 21 и повеќе
60–69 години: 14 и повеќе
Овие вредности служат како рамковни насоки, бидејќи резултатите зависат од телесната градба, искуството во тренинг и општата здравствена состојба.
На успешноста во изведување на склекови влијаат повеќе фактори, вклучувајќи телесна тежина, ниво на секојдневна активност, искуство во тренинг со сила и индивидуални физички карактеристики.
Склековите зајакнуваат повеќе мускулни групи истовремено, ја подобруваат стабилноста на телото и придонесуваат за подобра функционална способност на организмот. Редовното изведување на оваа вежба може позитивно да влијае на здравјето на коските, кардиоваскуларниот систем и секојдневните активности како носење товар или поместување потешки предмети.
Напредокот бара трпение и редовност. Најважно е постепено зголемување на бројот на повторувања, тренинг два до четири пати неделно, одржување на правилна техника на изведување, зајакнување на помошните мускули и обезбедување доволно време за опоравување меѓу тренинзите.
