Музичката група „Некст Тајм“ смета дека за прославата по повод 35 години независност на Македонија требало да добие повеќе простор за настап, наместо да изведе само една песна.
Од групата посочуваат дека веќе настапиле во Охрид и Битола, за да не се создаде впечаток дека не биле дел од прославите, но сметаат дека на централниот настан можеле да имаат свој концерт.
„Настапивме претходно во Охрид и Битола, да не испадне дека не сме настапиле, но искрено да ти кажам, сметам дека како артисти требаше да ни се одвои повеќе време, да добиеме свој концерт и да изведеме голем концерт, а не да дојдеме да пееме по една песна. Тоа е мое мислење“, велат од „Некст Тајм“.
Од групата додаваат дека мислењето може да го дели и публиката, но конечната одлука сепак е кај организаторите.
„Организаторите на крајот го имаат главниот збор и одлучуваат кој ќе биде ѕвезда во оваа држава“, посочуваат од „Некст Тајм“.
