Американскиот рапер Снуп Дог е на Зимските олимписки игри 2026 во Италија како дописник за NBC и почесен тренер за тимот на САД.
Тој е всушност неофицијалната маскота на тимот на САД на Зимските олимписки игри 2026 – но ги остварува и соништата на италијанските фанови, пишува People.
Имено, раперот, возвратил со посебна благодарност до едно семејство кое му помогнало откако неговата кредитна картичка не поминала додека нарачувал вечера.
Снуп нарачал чизбургер, пилешки крилца, пилешки нагетси и помфрит за носење од Кронокс, ресторан во Ливињо, изјавила ќерката на сопственикот на ресторанот, Софија Валмадре, за NBC и Reuters.
Кога неговата картичка не била примена, сопствениците на Кронокс рекле да не се грижи за тоа – а за возврат, ѕвездата им испратила билети за да го видат финалето на машкиот сноуборд халфпајп.
– Тој ги испрати своите вработени да ја земат храната и да платат, но тие не можеа да платат. Не знам зошто, картичката не помина, па мајка ми им кажа дека е во ред, да ја земат храната без да платат. Денес, ни испрати пет билети за да го видиме финалето – рекла Валмадре.
Снуп беше сеприсутен на овогодинешните Олимписки игри и беше често претставуван во извештаите на NBC за Игрите како славен навивач. Во декември, тимот на САД ѝ оддаде почит на ѕвездата како свој прв почесен тренер.
Тој се поврзал со спортисти како Илија Малинин и Џордан Столц и бил на трибините кога Линдзи Вон падна за време на нејзиниот настан на 8 февруари.
Легендарниот олимписки сноубордер Шон Вајт му одржал час по сноуборд, а раперот го споредил тоа со сурфање, пред да се пошегува дека тој не знае ни да сурфа. Снуп паднал неколку пати, но на крајот сфатил.
Тој исто така пробал боб санкање (не бил обожавател) и карлинг, па дури и се спуштил по рид на пластична канта за ѓубре.
– Тоа беше прв пат да правам нешто такво на мраз и бев доволно храбар да го пробам. И дозволете ми да ви кажам, би го направил тоа одново и одново и одново. Се забавував. Тоа беше супер забавно. Но никогаш повеќе не би се возел со боб. Тоа едноставно не сум јас. Изгледам добро таму, но не одам надолу по тоа брдо. Се забавував добро – изјави тој за шоуто „Тудеј“.
Раперот се сретнал и со актерот Стенли Тучи со кој испиле по еден пијалак во бар.
