Доколку последниве месеци сте забележале мала икона со часовник во долниот десен агол на Instagram сторис и сте се запрашале што точно значи – не сте единствени. Илјадници корисници пријавија дека новиот симбол се појавува повремено, но без официјално објаснување од Instagram. Сега, сепак, е јасно што претставува оваа нова функција, пишува „Just Jared“.
Иконата со тајмер е едноставно предупредување дека сторито што го гледате е пред истекување. Практично, Instagram ви сигнализира дека објавата се ближи кон крајот на своите 24 часа и наскоро ќе исчезне. Доколку го видите часовникот, тоа е знак да го изгледате или да реагирате пред да стане недостапно.
Интересно е што тајмерот не се појавува на секое сторис кое е пред истек – што ги збуни корисниците околу критериумите по кои Instagram ја активира оваа икона. Според сегашните информации, платформата ја тестира функцијата постепено и сè уште ја нема имплементирано униформно кај сите профили.
Instagram не дал официјална изјава, но корисниците коментираат дека ова предупредување е корисно – особено кога станува збор за важни информации или ограничени понуди кои лесно можат да се пропуштат.
