Вчера вечер се одржа првата вечер од 41. издание на фестивалот на забавни мелодии „Макфест“, а посебно внимание привлече настапот на Антониа Гиговска, која пред публиката изведе неколку познати македонски песни што низ годините оставиле белег на фестивалската сцена.
Гиговска настапи во придружба на пијано, а меѓу песните што ги изведе беше и „Сонце за три светови“ од Мики Јовановски – Џафер, на која ѝ даде сопствена интерпретација.
Покрај оваа песна, таа ги испеа и „Никогаш не вели никогаш“ и „Жена“, со кои претходно настапувала на Макфест, но и уште неколку познати макфестовски хитови.
На нејзиниот репертоар се најдоа и „Кога те нема“ од Хелена Благне, „Свирете ја Зајди, зајди“ од Олгица Христовска и „Осамен“ од Трајче Манев.
Со овој настап, Гиговска потсети на богатата музичка историја на Макфест и песните што со децении се дел од македонската музичка сцена, носејќи ги повторно пред публиката на 41. издание на фестивалот.
