Еден од најемотивните моменти на концертот на Слаткаристика, кој се одржа во организација на Прагма продукција, беше изведбата на песната „Госпоѓа Сара“.
Додека Слаткар и Тина Русева ја изведуваа песната, на сцената се појави Надица. Во тој момент Слаткар се обрати кон публиката со зборовите: „Еве ја Сара“, по што следуваа силни аплаузи и овации од повеќе од 10.000 присутни на охридскиот стадион.
Токму оваа сцена беше една од највпечатливите во текот на вечерта, а бројни посетители ја споделија на социјалните мрежи, опишувајќи ја како момент што ја исполнил атмосферата со силни емоции.
Концертот, организиран од Прагма продукција, е дел од серијата големи музички спектакли што продукцијата деновиве ги реализира во Охрид и привлече публика од сите генерации.
