Стефан и Мартин Филиповски од „Некст тајм“ не го поддржуваат начинот на кој српскиот изведувач Драгомир Деспиќ – Десингерица настапува пред публиката и велат дека таквите изведби не ги сметаат за културен настап.
Во „Вечер во Охрид со Ландов и Вик“ тие беа прашани што мислат за неговите постапки на концертите, меѓу кои и удирањето луѓе од публиката со обувка и „шишањето“ посетители на сцената.
„Најреално, тоа не е за мене. Се чудам зошто луѓето одат на неговите концерти“, беше одговорот од „Некст тајм“.
Браќата го отворија и прашањето зошто родителите им дозволуваат на децата да присуствуваат на такви настапи.
„Тоа не личи на културен настап. Сметам дека од музиката треба да се образуваш, треба нешто да научиш. Преку музиката се впива емоцијата. Што може да се впие преку тоа? Само агресивност“, рекоа членовите на „Некст тајм“.
