Победникот на „Ѕвездите на Гранд“, Никола Станишиќ, не се гледа себеси како македонски претставник на Евровизија и смета дека Антониа Гиговска е посоодветен избор за големата европска сцена.
„Не е работата во тоа дека сум скромен, туку едноставно не сум тип што треба да ја претставува Македонија на Евровизија. Не се гледам таму“, рече Станишиќ во „Вечер во Охрид со Ландов и Вик“.
Тој потсети дека ја познава Гиговска уште од нејзините почетоци и дека биле заедно на аудиција кога таа била многу млада. Според него, зад нејзиниот успех стојат долгогодишна работа, големи вложувања и поддршката од семејството.
„Антониа е девојче што го паметам како мало, кога се пријави на натпревар. Бевме заедно на аудиција. Таа се труди уште од мала и многу вложува во себе“, рече Станишиќ.
Тој јавно ѝ даде поддршка да ја претставува Македонија на Евровизија.
„Таа е девојка што се труди, вложува и навистина, по Тоше, е некој што би можел да нè претставува на Евровизија и кој е доследен“, изјави Станишиќ.
За време на разговорот тој посочи дека и семејството на Гиговска одиграло значајна улога во нејзината кариера, на што таа одговори дека без нивната поддршка ништо од постигнатото немало да биде исто.
