Џенифер Анистон покажа како изгледа нејзината фитнес рутина, веднаш по непримерен коментар на американски политичар за сите жени кои изгледаат добро.
Ѕвездата на серијата Пријатели, Џенифер Анистон, со децении важи за една од најнегуваните жени во светот на Холивуд. Актерката со својот изглед им конкурира на многу помлади девојки, а сега ја покажа и својата секојдневна рутина.
Видеото, кое привлече големо внимание, доаѓа веднаш откако нејзиниот поранешен Џастин Теру излезе во одбрана кога Џеј-Ди Венс, американски политичар, даде крајно непримерен коментар за жените кои немаат деца.
„…Еден куп жени-мачки без деца кои се мизерни поради сопствените животи и изборите што ги направиле“, додавајќи, „и затоа сакаат да го направат мизерен остатокот од земјата“, рече Венс.
Анистон набрзо објави видео во кое покажа зошто изгледа толку добро, а во се и помогна нејзиното куче, што го направи видеото уште повирално. Познатата актерка во видеото истакна и дека нејзиното куче е нејзината најголема поддршка за време на вежбањето.
Среде сите гласини и непримерни коментари се огласи и Теру, кој застана во одбрана на својата поранешна партнерка и додаде дека сè уште ја сака.
„Таа сè уште ми е многу драга, па секако дека се чувствувам заштитнички. Но, таа возврати на критиките, како што требаше“, изјави Теру во интервју за Тајмс.
Да потсетиме, оваа двојка ја започна својата романса уште во 2011 година, а тогаш многумина го обвинија Теру дека само ја користи Џенифер. Сепак, нивниот брак траеше само две години, но тие останаа во добри односи.
