Нова фотографија од експремиерот и азилант во Унгарија, Никола Груевски, кружи на социјалните мрежи. Од неа се гледа како Груевски седи на маса со згодна плавуша, со која пијат. Непознато е кога е направена фотографијата, но доаѓа по подолга пауза кога се во прашање информациите за Груевски во јавноста.
Неофицијално, според пишувањата на одредени портали, станува збор за девојка која е родум од Србија. Која е нејзината поврзаност со Груевски, е непознато.
Претходно, Груевски беше фотографиран и со други девојки, од кои дел беа направени на забави во Унгарија.
Слободата на Груевски и шетањето со девојки дојде откако тој избега во Унгарија. Додека тој е на пијачка со згодна плавуша, неговите најблиски соработници Гордана Јанкуловска и Миле Јанакиески се секојдневно по судови. Јанкуловска веќе неколку месеци е во затвор, а Јанакиески во куќен притвор поминува скоро три години.
