Преку уметничка инсталација на плоштадот во центарот на Скопје се испраќа порака до сите дека изолацијата е најдобра превенција од пренос на коронавирусот. Џиновските папучи и порака привлекоа внимание, за сите да знаат дека треба свесно да се пристапи кон проблемот со коронавирусот и да се превенира со време, за да се спречи ширењето на вирусот.
Претходно беше поставена инсталација „Држете дистанца“ со која авторите ги охрабруваа граѓаните дека треба да издржат додека трае пандемијата, за сплотено, побрзно да го вратиме животот во нормала.
Интересно е што, инсталацијата е изработена без никаков меѓусебен контакт меѓу авторите, туку етапно.
