Лаунџот на Меѓународниот аеродром во Атина е рангиран како втор најдобар во светот, според ново истражување на компанијата „Capital on Tap“.
Во анализата биле опфатени 74 аеродромски лаунџи ширум светот, при што биле оценувани бројот на достапни услуги, работното време во текот на неделата, како и можноста патниците да престојуваат во удобна атмосфера без строг кодекс на облекување.
Во оценувањето биле вклучени и оценките од корисниците на „Priority Pass“, кои имале поголема тежина поради важноста на задоволството на патниците.
Лаунџот „Goldair Handling Lounge Extra“ на Атинскиот меѓународен аеродром освоил 8,19 поени од можни 10, со што го дели второто место со „Chase Sapphire Lounge by The Club“ на Меѓународниот аеродром „Хари Рид“ во Лас Вегас.
На првото место се најде „Vienna Lounge“ на Меѓународниот аеродром во Виена, Австрија, со оценка од 8,73 поени.
Четврто место му припадна на „IGA Lounge International“ на аеродромот во Истанбул, кој освои 7,94 поени.
