Лејди Гага потврди дека нејзиниот нов албум ќе биде објавен кон крајот на месецов.
34-годишната пејачка се подготвува за промоција на шестиот студиски албум Chromatica („Хроматика“), а откри дека по првичното одложување, албумот ќе пристигне во продавниците а исто и на стриминг-платформите на 29 мај.
Гага веста ја објави на социјалните медиуми, и напиша: “Патувањето продолжува. Можете официјално да ми се придружите на #Chromatica на 29 мај.”
Албумот требаше да биде објавен на 10 април, меѓутоа, се одложи поради пандемијата на коронавирус.
Албумот има 16 песни, а повеќето од нив се напарвени во соработка со Аријана Гранде, Сер Елтон Џон, и Кеј-поп бендот “Блекпинк“.
