Најголемиот огномет во историјата го изведоа американските компании „Freedom 250“ и „Pyrotecnico Inc.“ на настанот што годинава го организираше компанијата „Event Strategies Inc.“ во Вашингтон, по повод американскиот национален празник 4 Јули, објавено е на веб-страницата на Гинисовата книга на рекорди.
Пред годинашното одбележување на Денот на независноста на САД, американскиот претседател Доналд Трамп вети дека прославата на 4 Јули ќе заврши со најголемиот огномет во историјата.
Огнометот се состоел од 840.537 пиротехнички средства, поради што заврши во Гинисовата книга на рекорди.
САД годинава го одбележаа Денот на независноста и јубилејните 250 години од усвојувањето на Декларацијата за независност.
