И најголемите холивудски хитови не се без грешки. Некои филмски приказни содржат нелогичности и пропусти што гледачите ги забележуваат дури по повеќе гледања, а дел од нив и денес предизвикуваат расправи меѓу љубителите на филмот.
Во филмот „Карате кид“ од 1984 година, судијата јасно нагласува дека ударите со нога во лицето не се дозволени за време на натпреварот. Сепак, токму познатиот удар со кревање на ногата на Даниел ЛаРусо му ја носи победата.
Во „Враќање во иднината“ од 1985 година, Марти Мекфлај има важна улога во тинејџерските години на своите родители. Сепак, тие подоцна воопшто не се сеќаваат на него, иако нивниот син неверојатно наликува на момчето во кое мајка му била вљубена.
Во анимираниот филм „Приказна за играчките“ од 1995 година, Баз Лајтер верува дека е вистински вселенски ренџер, а не играчка. Но ако навистина мисли дека е човек, зошто замрзнува како останатите играчки секогаш кога во просторијата ќе влезат луѓе?
Пропуст е забележан и во „Хари Потер и каменот на мудроста“ од 2001 година. Иако Рон му кажува на Хари дека возот „Хогвортс експрес“ е полн, главниот лик седи сам во купе во кое има место за уште неколку патници.
Една од најпознатите филмски дебати се однесува на „Титаник“ од 1997 година. Гледачите и денес се прашуваат зошто Џек не се качил на вратата на која се наоѓала Роуз по потонувањето на бродот, бидејќи, според нив, имало доволно простор за двајцата.
