Босна и Херцеговина се најде на четвртото место меѓу најпосакуваните туристички дестинации во подем во светот, додека Сараево и Дубровник се најдоа на листата на десетте најпосакувани европски градови за патување. Изборот го направиле читателите на британското списание „Wanderlust“.
Резултатите од 25. доделување на наградите „Reader Travel Awards“ биле објавени на 5 ноември. Во гласањето учествувале 251.461 читател, кои дале повеќе од 8,2 милиони гласови, што претставува рекорд.
Во категоријата туристички дестинации во подем, пред Босна и Херцеговина се најдоа Белизе, Гватемала и Ерменија. На листата се и Ангола, Оман, Монголија, Панама, Камбоџа и Казахстан.
Меѓу европските градови првото место го освои Атина, пред Дубровник, Копенхаген, Џенова, Мадрид, Бордо, Тбилиси, Лисабон, Истанбул и Сараево.
Костарика е прогласена за најпосакувана земја во светот, со што го презеде првото место од минатогодишниот победник Јапонија. Третото место ѝ припадна на Јужноафриканската Република.
Во европската конкуренција за најпосакувана земја победи Шпанија, пред Турција и Португалија. Хрватска се најде на петтото, а Грција на шестото место. Токио беше прогласен за најпосакуван град во светот, а Калифорнија за најпосакуван регион.
