Сивата и бордо бојата се издвојуваат како еден од највпечатливите модни споеви оваа есен. Иако на прв поглед можеби не изгледаат како очигледна комбинација, нивниот контраст создава елегантен и префинет изглед.
Сивата внесува смиреност и едноставност, додека бордо бојата додава топлина, длабочина и карактер. Заедно создаваат складна комбинација што лесно се вклопува во секојдневните и поелегантните модни изданија.
Еден од најлесните начини да се следи овој тренд е да се комбинираат сиви панталони со бордо џемпер, кардиган или ролка. Сивите фармерки одлично се вклопуваат со бордо горни делови и патики во неутрални нијанси, додека црните чизми и чантата со цврста форма даваат поелегантен изглед.
За оние што претпочитаат посуптилни комбинации, доволно е сив капут да се надополни со бордо чанта, шал или ракавици. Интересен ефект се постигнува и со комбинирање различни материјали, како волна, кашмир, кожа, сатен и плетиво.
Двете бои добро се вклопуваат и со црна, бела, боја на слонова коска, чоколаднокафеава и темносина. Сребрениот накит и металните модни додатоци можат дополнително да ја надополнат комбинацијата.
Модниот совет е едноставен: изберете една боја како основа, а другата употребете ја за акценти. Така, без големи промени во гардеробата, може да се создаде елегантен есенски изглед.
