Санторини ова лето е преполн со туристи, а во Оја се создаваат долги редици пред најпознатите локации, особено пред црквите со сини куполи. Посетителите со часови чекаат за да ја направат истата фотографија што ја виделе на Инстаграм или Тикток.
На социјалните мрежи се појавија бројни снимки од гужвите, а дел од туристите се жалат на долгото чекање. Еден посетител раскажал дека бил навредуван бидејќи луѓето мислеле дека се обидува да се протне преку редот, иако неговото сместување било веднаш до популарната локација.
Од туристичката агенција Santorini Yachting Cruises велат дека туристите најчесто се концентрираат на неколку локации во Оја за да ја направат фотографијата што ја виделе на социјалните мрежи, иако островот има многу други убави места без гужви.
Проблемот со масовниот туризам не е нов за Санторини. Гужвите, сообраќајот, зголемените цени и притисокот врз инфраструктурата им создаваат проблеми и на локалните жители.
За 2026 година бројот на туристи од бродови за крстарење што можат да го посетат островот во еден ден е ограничен на 8.000, а воведена е и такса од 20 евра за патниците од крстаречките бродови во главната сезона. Сепак, мерките не ги опфаќаат туристите што пристигнуваат со авиони и траекти, па гужвите и понатаму остануваат голем проблем.
