Додека со часови се борат со големиот пожар кој зафатил илјадници хектари во Делиблатската Пескара, српските пожарникари во близина на општина Ковин спасиле едно беспомошно животно.
За време на интервенцијата, меѓу опожарените дрвја тие пронашле повредена бувка, која не можела сама да го напушти загрозеното подрачје.
И покрај тешките услови, густиот чад и ширењето на огнената стихија, пожарникарите не ја оставиле птицата на милост и немилост. Внимателно ја згрижиле и ја евакуирале на безбедно место.
Нивниот гест уште еднаш покажа дека храброста не се мери само со борбата против огнот, туку и со подготвеноста да се спаси секој живот што ќе се најде во опасност.
