Холандската инфлуенсерка Кејт, која патува низ Европа со својата препознатлива розова Веспа, неодамна ја посетила Црна Гора.
На својот профил на Инстаграм редовно објавува содржини од своите патувања, претставува туристички атракции и ги споделува впечатоците од местата што ги посетува, а често се осврнува и на цените во популарните летувалишта.
За време на посетата на црногорското приморје, таа го посетила Свети Стефан, како и две ексклузивни плажи – Милочер, односно Краличина плажа, и плажата во близина на Свети Стефан.
На двете локации, за чадор и две лежалки потребно е да се издвојат дури 200 евра.
Во објавата таа навела дека Краличина плажа била целосно празна, додека на плажата покрај Свети Стефан претходно имало посетители, но во моментот кога пристигнала речиси и да немало луѓе.
На крајот од денот, инфлуенсерката се упатила на друга плажа, каде што изнајмувањето чадор и лежалка го платила 30 евра.
Особено ѝ привлекла внимание големата разлика меѓу исклучително високите цени на луксузните плажи и фактот што тие речиси биле празни.
„Такви цени немам видено ниту на Сејшелите ниту на Фиџи“, напишала таа во објавата на Инстаграм.
