Наместо вообичаената фудбалска публика, покрај теренот се појави мечка која привремено го прекина натпреварот меѓу женските екипи на универзитетите Ешвил и Винтроп во американската сојузна држава Северна Каролина.
Необичниот настан се случил во средата навечер на „Гринвуд Филд“ во Ешвил, во последните 15 минути од првото полувреме. Мечките не влегле на теренот, но натпреварот бил прекинат од безбедносни причини сè додека животните не се оддалечиле.
На снимката од настанот се гледа една од мечките како мирно се сместила на земјената височинка зад еден од головите, речиси како да си обезбедила место за следење на натпреварот.
Спортската директорка на универзитетот, Џенет Кон, изјави дека изгледало како мечката едноставно да сака да го гледа натпреварот.
Откако неочекуваните гости си заминале, фудбалерките ја продолжиле играта. Првото полувреме завршило без голови, а во продолжението Ешвил победил со 2:1.
