Романтичната просидба на 18-годишната Грејси Кило стана вирална на ТикТок, но покрај емотивниот момент, најголемо внимание привлече нејзиниот бел фустан, кој силниот ветер го надувал до необични размери.
Грејси ја објавила снимката на која нејзиниот 19-годишен партнер, Нејтан Смит, со кого е во врска нешто повеќе од две години, ја запросува покрај река. Кога тој клекнал, таа најпрвин помислила дека прави нешто со чевелот, но набргу сфатила што се случува и почнала да скока од радост.
Токму во тој момент дувнал силен ветер и го надувал широкиот бел фустан, претворајќи ја романтичната сцена во урнебесен момент. Снимката за помалку од една недела собрала 11 милиони прегледи и повеќе од 8.000 коментари.
Корисниците на социјалните мрежи се шегувале со необичниот изглед на фустанот, споредувајќи го со бел слез, облак и фенер. Други ѝ порачаа на Грејси дека ветерот за малку ќе ја однел.
По големиот интерес, девојката открила и дека сама го сошила фустанот. Таа сака да купува облека од продавници за половни предмети, да шие и да изработува различни предмети со свои раце.
Иако сè уште не го одредиле датумот на венчавката, Грејси веќе со нетрпение го очекува планирањето на големиот ден. Таа работи како дадилка, но сака во иднина да стане организаторка на венчавки.
„Едвај чекам да ја испланирам нашата венчавка, да ги избирам боите, цвеќињата и сè останато. Многу сум возбудена“, изјавила таа во следното видео.
