Една 74-годишна жителка на Израел ставила банкноти во сад со белило, па потоа и во микробранова печка, како што известува и Националната банка на оваа земја – зашто жената се плашела од коронавирусот.
Банкнотите со вкупна вредност од речиси 2.900 евра – изгореле. Жената во писмо до банката објаснила дека со оваа процедура сакала да ги дезинфицира парите што ги добила од своите станари. Притоа испратила повеќе од 70 оштетени банкноти во банката, заедно со писмото.
„Се чувствувам многу виновна, бидејќи ова не се мои пари. Јас сум чесен граѓанин кој никогаш не уништил пари“, се вели во пораката.
Истрагата на надлежните покажа дека банкнотите се вистински и банката одлучила да ги замени со неоштетени.
