Мајкрософт тестира промени за Windows 11 што ќе го олеснат прилагодувањето на менито Start и подоброто позиционирање на лентата со задачи според потребите на корисниците. Компанијата постепено воведува нови промени за Windows Insiders на Експерименталниот канал.Ако не ви се допаѓа колку е големо и пренатрупано менито Start на Windows 11, опцијата што се тестира ќе ви даде можност да изберете помеѓу мала и голема верзија на менито. Едноставно изберете ја саканата големина во поставките на менито Start и вашиот избор ќе остане ист на сите екрани. Порталот Windows Latest претходно забележа дека менито Start во Windows 11 стана речиси двојно поголемо по ажурирањето што излезе во ноември минатата година. Потоа Мајкрософт му соопшти на порталот дека е свесен за ситуацијата и ги разгледува нивните повратни информации.Мајкрософт, исто така, ќе даде можност за поставување на лентата со задачи на кој било раб од екранот – било да е горе, долу, лево или десно. Дури ќе можете да го изберете и порамнувањето на иконите: изборите се порамнети одозгора и центрирани кога лентата е на левиот или десниот раб. Ако ја поставите лентата со задачи на горниот или долниот раб, можете да изберете помеѓу порамнување налево и центрирани икони.За да бидете дел од програмата Windows Insider на Microsoft, треба да се регистрирате со вашата сметка на Microsoft. Инсајдерите имаат можност да ги тестираат најновите верзии на Windows што ги развива компанијата, како и да ги испратат своите впечатоци и коментари за да помогнат во подобрувањето на експерименталните функции пред да станат достапни за сите корисници.
