Оскаровките Кејт Винслет (44) и Саоирсе Ронан (26) играат заедно во новиот филм „Амонит“, кој наскоро ќе се појави во киносалите ширум светот.
Она што е интересно за овој филм се експлицитните сцени, чии главни актери се токму овие две актерки. Кејт и Саоирсе снимаа секс сцена за која пишуваат сите светски медиуми последниве денови.
Во интервју за „Холивуд репортер“, Кејт откри дека оваа сцена е една од најексплицитните што ги има снимено, но дека е многу горда.
„Горда сум што го покажав своето голо тело во 40-тите години. Не е тоа телото што го имав порано”, рече таа.
Таа призна дека филмскиот режисер Франсис Ли бил нервозен поради нивното снимање, па затоа решила да ја преземе контролата.
„Чувството сигурно не беше како кога јадете сендвич. Саоирсе и јас заедно ја дизајниравме сцената. Се договоривме како ќе започнеме, како ќе се бакнуваме, што ќе правиме со градите, во кои пози ќе бидеме. Го обележавме ритамот на секоја сцена”, открива таа.
Кејт е најзапаметена по улогата на Роуз во филмот Титаник, а во овој филм ќе ја игра улогата на колекционерката на фосили Мери Анинг.
