Вториот тенисер во светот, Карлос Алкарас, го откажа настапот на Мастерсот во Синсинати поради повреда на зглобот на раката, со што нема да има можност да ја брани титулата што ја освои минатата година.
Шпанскиот тенисер продолжува со рехабилитацијата и сè уште не е познато дали ќе биде подготвен за настап на последниот гренд-слем турнир во сезоната – УС Опен.
Алкарас последен пат настапи во април на турнирот во Барселона, кратко по финалето на Мастерсот во Монте Карло. Оттогаш е надвор од терените поради повредата.
Во досегашниот дел од сезоната има учинок од 22 победи и три порази, а годината ја отвори со освојување на Австралија опен, со што го комплетираше кариерниот гренд-слем.
Мастерсот во Синсинати ќе се игра од 13 до 23 август, а неговото повлекување дополнително ги зголеми дилемите околу тоа дали Алкарас ќе биде подготвен за настап на УС Опен.
