Алкараз не го криеше изненадувањето што Ѓоковиќ се повлече од турнирот, особено што тој самиот следеше трилер од пет сета против Франциско Серундоло во кој Србинот некако успеа да го добие мечот.
„Бев изненаден што се повлече од турнирот, го гледав натпреварот вчера. На крајот играше одличен тенис. Априори не почувствува болка на крајот од мечот. Беше изненадување што се повлече, но се согласи со тимот и докторот. Тенисот е таков, мора да се справиш со него. Тоа што го нема Ѓоковиќ на турнирот е малку фрустрирачки за навивачите“, изјави моментално третопласираниот тенисер на планетата.
Алкараз се стреми кон титулата бидејќи само тоа му гарантира дека ќе го помине Ѓоковиќ, но сепак и со тоа нема да биде најдобриот тенисер на планетата. Јаник Синер од 10 јуни гордо ќе ја носи таа титула, првпат во кариерата.
Зборуваше за повредата, барем за она што може бидејќи никој нема детали во овој момент. Освен Ѓоковиќ и неговиот лекар.
„Видов дека се работи за повреда на менискусот, не знаев колку е сериозна повредата, ако ми кажете дека има руптура. Јас не сум доктор и не знам колку време ќе биде надвор. Сè што можам да кажам сега е дека се надевам дека брзо ќе закрепне. Многупати покажа дека по повредите се враќа многу посилен и дека тоа го прави брзо. Му посакувам што побрзо да закрепне и да се врати на теренот. За да можеме сите да уживаме во неговиот тенис“, изјави Алкараз.
