Јапонија воведува нови забрани за туристите

Еден од најпопуларните туристички области во Токио, Шибуја, сака да го забрани консумирањето алкохол на улиците и на јавни места, секој ден од 18 часот до 5 часот наутро.

Оваа мерка треба да стапи на сила во октомври. Сето тоа, се чини, се должи на проблемите што ги предизвикува прекумерниот туризам.

Јапонија се бори со прекумерен туризам по пандемијата. Повеќе од три милиони туристи ја посетиле само во април и мај годинава, а овој тренд најверојатно ќе продолжи и во текот на летото. Затоа, Јапонците се надеваат, оваа мерка ќе вроди со плод и ќе им донесе малку мир.

„Штетата предизвикана од прекумерниот туризам стана сериозна, од материјална штета предизвикана од пиење на улица до тепачки со локалното население и фрлање големи количини празни лименки и шишиња“, се вели во соопштението на градот во октомври минатата година, според Си-Ен-Ен.

Оваа вест не е изненадување за локалното население. Имено, дури минатата есен во овој округ беа забранети сите активности поврзани со Ноќта на вештерките, а како главна причина за забраната беше наведен алкохолот. Ова вклучуваше забрана за пиење алкохол надвор од барови и ресторани.