САД планираат не само повторно да се вратат на Месечината туку и таму да воспостават трајно присуство. Основачот на „Blue Origin“ и сопственик на „Amazon“, Џеф Безос, неодамна зборуваше за плановите за идните мисии.
„Овојпат одиме на Месечината за да останеме“, изјави Безос, додавајќи дека нема да станува збор за уште една мисија по која астронаутите ќе се вратат дома.
Според него, целта е да се изгради стабилна и одржлива база од која ќе може да се истражува Месечината и да се реализираат нови откритија.
Безос потсети дека во 1969 година за лет до Месечината било потребно да се издвојат околу три проценти од американскиот БДП. Тој смета дека луѓето би можеле повторно да летаат на Месечината веќе во 2028 година.
„Мораме да ја победиме Кина во ова и верувам дека ќе успееме“, рече Безос, нагласувајќи ја новата вселенска конкуренција меѓу двете земји.
Тој смета и дека Месечината, до која, според него, се стигнува за околу три дена, во иднина ќе стане неизбежна логистичка станица за човечките мисии кон Марс.
