Најдобриот македонски пливач Никола Ѓуретановиќ продолжува со одличните настапи, откако изминатиот викенд доминираше на Летното национално првенство на Македонија, настапувајќи за клубот „Вардар 2018“.
Македонскиот олимписки претставник од Летните олимписки игри во Париз 2024 ги освои титулите државен првак во дисциплините 100 и 200 метри слободно, потврдувајќи дека се наоѓа во одлична натпреварувачка форма.
Особено импресивен беше неговиот настап на 100 метри слободно, каде што по вторпат за само една недела исплива нов личен рекорд од 52 секунди и 13 стотинки.
Ѓуретановиќ настапи и во три штафетни трки, а во дисциплината 4×100 метри мешано беше поставен нов апсолутен државен рекорд.
Со овие резултати, македонскиот пливач најавува успешна сезона, а неговиот главен фокус до крајот на годината ќе биде настапот на Европското првенство во Париз и Медитеранските игри во Таранто, Италија.
Подготовките на Ѓуретановиќ продолжуваат во Нови Сад, додека долгорочната цел останува обезбедување норма за настап на Олимписките игри во Лос Анџелес во 2028 година.
