Медиасет.мк

#ТРЕНД

„БРИТ авордс“ – музичките ѕвезди почнаа да пристигаат во Лондон


Американската телевизиска мрежа Ен-би-си во понеделникот (10 мај) се откажа од емитување на церемонијата на доделување на „Златните глобуси“ во 2022 година по холивудските реакции за етиката и недостигот на диверзитет на здружението што ги доделува годишните награди за филм и телевизија.

Членовите на Здружението на странските новинари во Холивуд (ХФПА) исто така се обвинувани за давање сексистички и расистички коментари и за барање услуги од познати личности и студија.

Том Круз се придружи на бунтот на стриминг-платформите и филските студија враќајќи ги трите статуетки „Златен глобус“ што ги освои за своите улоги во „Џери Мегваер“, „Магнолија“ и „Роден на 4 Јули“, објавија „Варајети“ и „Дедлајн Холивуд“.

Одлуката на Ен-би-си следува дури и откога ХФПА се согласи да регрутира повеќе членови Афроамериканци и да направи други промени во своите редови во следните 18 месеци.

Ен-би-си првично го поздрави планот, но подоцна соопшти дека ќе почека да види дали реформите функционираат.

„За промени од ваква големина е потребно време и многу работа. Ние сметаме дека на HFPA ѝ треба време да го стори тоа правилно. Поради тоа, Ен-би-си нема да ги емитува ‘Златните глобуси’ во 2022 година“, се наведува во соопштението на телевизиската мрежа.

„Под претпоставка дека организацијата ќе го спроведе својот план, се надеваме дека ќе бидеме во позиција да го емитуваме шоуто во јануари 2023 година“, додаде Ен-би-си.



Трендинг

На почеток
error: