Цените на Јадранот повторно тема: Аперол 6 евра, а неколку метри подалеку 11 евра

Цените на хрватското приморје повторно станаа тема на жестока дебата на социјалните мрежи, откако корисник на платформата Икс (X), ги сподели своите впечатоци од летувањето во Хрватска.Во својата објава, корисникот W3nzel.eth истакна дека најмногу не го изненадиле високите цени, туку огромните разлики во ценовниците на угостителските објекти кои се наоѓаат на само неколку метри еден од друг.Тој наведе дека има повеќе од 15 милиони прегледи на своите рецензии на Google Maps, што, според него, му дава доволно искуство за проценка на ресторанските понуди.„Цените се различни насекаде“, напиша тој.Како пример посочил кафуле во помал хрватски град, каде капучино чинело 2,50 евра, што го оценил како прифатлива цена. Но, flat white кафе со двојно еспресо во истиот локал чинело 5,40 евра, што според него е поскапо отколку во Германија.Слично искуство имал и со храната. Во еден италијански ресторан пиците чинеле меѓу 9 и 15 евра, а бургерите околу 15 евра, што го сметал за вообичаено за туристичка дестинација. Но, во локал веднаш спроти него, кој изгледал речиси идентично, бургер со сланина се продавал за дури 25 евра.„Што?“, напишал тој во својата објава, нагласувајќи дека не го шокира самата цена, туку големата разлика меѓу два навидум слични ресторани.Особено внимание привлекле и цените на пијалаците на плажа. Според неговите наводи, коктел Aperol Spritz на едно место чинел 6 евра, додека само неколку десетици метри подалеку достигнувал цена од 11 евра.Тој ја споменал и цената на сладоледот, наведувајќи дека една топка се продава по цена од 3 до 4 евра, прашувајќи се зошто има толку големи разлики во исто туристичко место.Објавата се вклопи во пошироката дебата која секоја туристичка сезона се води за цените на Јадранот. Туристички центри како Дубровник често се наведуваат како пример за драстични разлики во цените во зависност од локацијата, сезоната и типот на угостителскиот објект.Според туристичките водичи, во старите градски јадра цените на главните јадења во ресторани од средна категорија можат да се движат од 18 до 30 евра, без пијалаци и додатоци.Сепак, најмногу реакции предизвика токму непредвидливоста на цените, бидејќи многумина сметаат дека проблемот не е само колку чини услугата, туку и тоа што туристите тешко можат однапред да проценат колкава сметка ќе добијат.