Формула 1 соопшти дека Големата награда на Лас Вегас ќе биде дел од Светското првенство уште најмалку 11 години, откако е потпишан нов договор кој важи до 2037 година.
„Воодушевени сме што Формула 1 ќе продолжи во Лас Вегас уште многу години. Секогаш верувавме дека Лас Вегас ќе биде клучен столб на нашето присуство во САД и ова продолжување нè врзува долгорочно за ова важно пазариште“, изјави претседателот и извршен директор на Формула 1, Стефано Доменикали, пренесува официјалната веб-страница на Формула 1.
Лас Вегас ја доби трката во 2023 година, а досега се одржани три изданија, при што во две победи Макс Верстапен, а во едно Џорџ Расел.
За да го обезбеди успехот на проектот, Формула 1 вложи околу 500 милиони долари во купување земјиште во центарот на Лас Вегас, каде се изградени нов комплекс на бокс-питови и падок.
Според податоците на Формула 1, Големата награда на Лас Вегас од 2023 година досега генерирала вкупен економски ефект од 3,2 милијарди долари, додека само изданието од 2025 година му донело на градот околу 43 милиони долари даночни приходи.
