Египетската фудбалска репрезентација се соочи со сериозен проблем во пресрет на осминафиналето на Светското првенство, откако капитенот Мохамед Салах се повреди на натпреварот против Иран, кој заврши нерешено 1:1 во последното коло од групната фаза.
Најдобриот египетски фудбалер беше принуден да го напушти теренот во 57. минута поради проблем со тетивата, а дополнителните лекарски прегледи покажале дека станува збор за истегнување.
Фудбалската федерација на Египет соопшти дека Салах веќе го започнал процесот на закрепнување.
Засега не е познато дали искусниот напаѓач ќе биде подготвен за осминафиналниот натпревар против Австралија, кој е закажан за 3 јули во Арлингтон.
Египетската селекција се соочува и со дополнителни кадровски проблеми во одбраната. Ахмед Фатух сигурно ќе го пропушти следниот натпревар поради повреда, додека постои оптимизам дека Мохамед Абделмонем ќе успее да се опорави од повредата на скочниот зглоб и да му биде на располагање на стручниот штаб.
