Guns N’ Roses објавуваат сликовница за деца

Рок-групата „Ганс ен роузес“ објавува сликовница за деца, инспирирана од една од нивните најпознати песни – „Sweet Child of Mine“. Дел од проектот е и писателот Џејмс Патерсон.

– Како вечен обожавател на групата, јас сум возбуден што работам со нив и што ја оживеав познатата песна низ слики и приказна. Сликовницата ја слави љубовта и музиката и како сѐ тоа го разубавува животот на најубав можен начин, изјави Патерсон.

Приказната „Слатко мое дете“ е за Наталија и Маја – ќерка и внука на менаџерот на групата Фернандо Лебелс, и ги прикажува нивните авантури со турнеите на бендот.