Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK
Сцена

Изложба на живи статуи - Која си? А која сакаш да бидеш?

thumbnail_3

На 13 октомври, во 17:30 часот, во Red Door на Илинденска 38 a, ќе ве пречека уникатна изложба на скулптури – но не во традиционалната смисла. Овојпат, скулптурите ќе бидат живи статуи.

Преку свеж и креативен пристап, оваа изложба ќе ја претстави жената во различни социјални улоги, поврзувајќи ја темата со животните предизвици што ги носат овие улоги. Мотото на настанот, „Која си ти? А која сакаш да бидеш?“, повикува на размислување и интроспекција. Пет девојки, како живи статуи, ќе ги отелотворат различните категории на жени – од најниската до највисоката, застанати во пози кои го одразуваат нивниот социјален статус и различност.

Публиката ќе има можност не само да ја набљудува оваа уметничка инсталација, туку и активно да учествува – поставувајќи прашања, коментирајќи и споделувајќи мислења по изложбата.

„Особено сме горди што ќе ни се придружат четири девојки од Косово, кои за време на изложбата ќе демонстрираат како настануваат живите статуи – додавајќи уште една димензија на креативност и интеркултурна соработка“.

Проектот е воден од Весна Николовска, дел од Театроск, и ова е нејзино прво самостојно дело, со голема поддршка од тимот на Театроск. Настанот е овозможен преку грант од RYCO - Младински културен фонд за Западен Балкан.

Дополнително, октомври е месецот за подигнување на свеста за борба против ракот на дојка. Оваа изложба е директно поврзана со оваа тема, потсетувајќи нè на влијанието што стресот го има врз жените кои се соочуваат со оваа болест. Повторно, прашањето останува исто: „Која си ти? А која сакаш да бидеш?“

Сподели
Сподели
Сподели
Сподели
Сподели
Сподели
Сподели
Сподели како слика

Следно во Сцена

Сите →
media-libraryj3cgrut7r8ai9LGgr2h

Мајли Сајрус организираше предсвадбена вечера, објавени фотографии од прославата

пред 1 час
media-library23cr51o03trs49oLgtf

Почина Паоло Булгари, славниот италијански дизајнер на накит

пред 2 часа
tejlor-svift-1200x675-1

Тејлор Свифт добива своја изложба во музеј во Бостон, ќе бидат изложени над 50 предмети

пред 3 часа
277910494_401685251332515_2272275829076403867_n

Лозано најави седум настапи во САД и голем солистички концерт во Скопје

пред 7 часа
Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања